Hicr - 15:39 (İblis) dedi ki: "Rəbbim, məni yoldan çıxartdığın üçün, onları yer üzündə başdan çıxarıb toplu halda azdıracağam."
Adəm və şeytan. 15: 28, , , , 44 ilə əlaqəli:
Bəqərə/2:30 Rəbbin, mələklərə belə demişdi: "Yer üzünə bir xəlifə yerləşdirəcəyəm!" Mələklər də: “Orada fəsad törədəcək, qan axıdacaq birinimi yerləşdirəcəksən? Halbuki biz Səni tərifləyərək ucaldır və mütləq hökmranlığını təsdiqləyirik," dedilər. (Allah:) “Bilmədiyinizi Mən bilərəm,” dedi.
Bəqərə/2:31 Adəmə bütün isimləri (vəsfləri) öyrətdi, sonra onları mələklərə göstərib, "Doğrusunuzsa, bunların isimlərini (xüsusiyyətlərini, vəsflərini) siz mənə bildirin," dedi.
Bəqərə/2:32 Dedilər: “Sən Ucasan, Sənin bizə öyrətdiyindən başqa bir biliyimiz yoxdur! Sən Bilənsən, Hikmət Sahibisən!”
Bəqərə/2:33 Dedi: "Adəm! Onların isimlərini bunlara xəbər ver." İsimlərini onlara xəbər verincə, "Sizə, yerin və göylərin sirlərini bilirəm, açığa çıxardığınızı da, gizlədiyinizi də bilirəm deməmişdimmi?" - dedi.
Bəqərə/2:34 Mələklərə: “Adəmə səcdə edin!” dedik. İblisdən başqa hamısı səcdə etdilər, o isə inad etdi, təkəbbür göstərdi və nankorluq etdi.
Bəqərə/2:35 “Adəm! Zövcənlə birlikdə Cənnətdə qal. İstədiyiniz yerdə ondan bolca yeyin; ancaq bu ağaca yaxınlaşmayın, yoxsa zalımlardan olarsınız!" - dedik.
Bəqərə/2:36 Şeytan, onları oradan çaşdırıb olduqları yerdən çıxartdı. Nəhayət, “Bir-birinizə düşmən olaraq aşağı enin! Yer üzündə müəyyən olunmuş vaxta qədər qalıb yaşayacaqsınız,” dedik
Bəqərə/2:37 Adəm, Rəbbindən kəlmələr aldı. Bundan sonra onun tövbəsini qəbul etdi. O, yönəlmələrə qarşılıq verəndir, Rəhmlidir.
Bəqərə/2:38 "Oradan toplu halda enin," -dedik. "Məndən sizə bir yol göstərici gəldiyi zaman, o yol göstəriciyə tabe olanlar üçün artıq bir qorxu yoxdur və onlar üzülməyəcəklər."
Bəqərə/2:39 "İnkar edənlər, ayələrimizi və möcüzələrimizi yalanlayanlar atəşin əhlidir və onlar orada əbədi qalıcıdırlar."
Əraf/7:11 Sizi yaratdıq, sonra sizə surət verdik, sonra mələklərə, "Adəmə səcdə edin!" – dedik. İblisdən başqa hamısı səcdə etdi; o, səcdə edənlərdən olmadı.
Əraf/7:12 (Allah) dedi: "Sənə əmr etdiyim zaman sənə səcdə etməyə nə mane oldu?" (İblis:) "Mən ondan daha yaxşıyam; Sən məni atəşdən yaratdın, onu isə palçıqdan yaratdın," dedi.
Əraf/7:13 (Allah:) "Oradan aşağı en," dedi. Orada təkəbbür göstərə bilməzsən. Rədd ol. Dəyərini itirdin!"
Əraf/7:14 (İblis:) "Diriləcəkləri günə qədər mənə möhlət ver," dedi.
Əraf/7:15 (Allah:) "Sənə möhlət verilmişdir," dedi.
Əraf/7:16 (İblis:) "Məni azdırmana qarşılıq olaraq, onlara görə Sənin ən doğru yolunun üzərində gizlicə oturacağam."
Əraf/7:17 "Sonra önlərindən, arxalarından, sağlarından və sollarından onlara (onların yanına) soxulacağam. Beləcə əksəriyyətini şükür edən görməyəcəksən."
Əraf/7:18 (Allah) dedi ki: "Mənfur və qovulmuş olaraq oradan çıx. Onlardan sənə tabe olanlara gəlincə, hamınızla cəhənnəmi dolduracağam."
Əraf/7:19 "Adəm, sən və zövcən Cənnətdə olub istədiyiniz yerdən yeyin. Bu ağacdan yeməyin; yoxsa zalımlardan olarsınız."
Əraf/7:20 Şeytan, özlərindən gizlənmiş olan bədənlərini ortaya çıxarmaq üçün onlara fısıldadı: "Rəbbinizin sizi bu ağacdan uzaqlaşdırmasının səbəbi, ikinizin də bir mələk və ya bir əbədi varlıq olmamanız üçündür," dedi.
Əraf/7:21 Onlara and da içdi: "Mən sizə öyüd verirəm."
Əraf/7:22 Beləcə, onları yalanlarla aldatdı. Ağacı dadınca bədənləri özlərinə görsəndi. Üzərlərini cənnət yarpaqları ilə örtməyə başladılar. Rəbləri onları çağırdı: "O ağacdan ikinizi də çəkindirmədimmi və şeytanın ikinizə də düşmən olduğunu söyləmədimmi?"
Əraf/7:23 Hər ikisi: "Rəbbimiz, özümüzə zülm etdik. Bizi bağışlamasan və bizə acımasan, ziyana uğrayanlardan olarıq," dedilər.
Əraf/7:24 (Allah) dedi ki: "Bir-birinizə düşmənlər olaraq aşağı enin. Bir müddətə qədər yer üzündə məskunlaşıb yaşayacaqsınız."
Əraf/7:25 (Allah) dedi ki: "Orada yaşayacaq, orada öləcək və oradan çıxarılacaqsınız."
İsra/17:61 Mələklərə, "Adəmə səcdə edin!" dediyimizdə, İblisdən başqa hamısı səcdə etdilər. "Palçıqdan yaratdığınamı səcdə edəcəyəmmiş?" dedi.
İsra/17:62 "Məndən üstün tutduğun bu şəxsi görürsənmi? Mənə Dirilmə gününə qədər möhlət versən, onun soyunu, çox azı istisna olmaqla sahiplənib pərişan edəcəyəm." dedi.
İsra/17:63 (Allah) dedi ki: "Onlardan səni izləyənlər ilə birlikdə get. Tam sizə görə bir cəza olan Cəhənnəmə qədər yolunuz var."
İsra/17:64 Onlardan gücün çatdığı kimsələri səsinlə yerindən oynat, onlara qarşı bütün gücünü və adamlarını səfərbər et, paralarının (pullarının) və övladlarının bir bölümünə ortaq ol və onlara ümid ver. Şeytan, onlara ancaq saxta ümidlər verir."
İsra/17:65 "Qullarıma gəlincə, sənin onlar üzərində heç bir gücün yoxdur." Qoruyucu olaraq Rəbbin yetər.
Kəhf/18:50 Mələklərə: "Adəmə səcdə edin!" dediyimiz zaman, hamısı səcdə etdilər; yalnız İblisdən başqa. Rəbbinin əmrinə qarşı gəldiyi üçün cinlərdən oldu. Məni buraxıb onu və soyunumu dostlar seçirsiniz? Halbuki onlar, sizin düşmənlərinizdir.  Zalımlar üçün bu necə də pis bir dəyişmədir!
Ta ha/20:115 Keçmişdə Adəmdən söz almışdıq; ancaq unutdu. Biz onda bir əzmkarlıq və istiqrar görmədik.
Ta ha/20:116 Mələklərə: “Adəmə səcdə edin!”– dedik. İblisdən başqa hamısı səcdə etdilər. O inad edib qarşı çıxdı,
Ta ha/20:117 "Adəm, Bu sənin və zövcənin düşmənidir. Ehtiyatlı olun, sizi Cənnətdən çıxartmasın, yoxsa pərişan olarsan" dedik.
Ta ha/20:118 "Burda nə acarsan, nə də açıqda qalarsan."
Ta ha/20:119 "Burda nə susuzluq çəkər, nə də istidən daralarsan."
Ta ha/20:120 Şeytan, "Adəm, Sənə əbədiyyət ağacını və tükənməyəcək bir hökmranlığı göstərimmi?" deyə ona (Adəmə) pıçıldadı.
Ta ha/20:121 İkisi də ondan yedilər və bundan sonra vücudları özlərinə göründü. Cənnətin yarpaqları ilə örtünməyə çalışdılar. Adəm Rəbbinə qarşı gəldi və çaşıb qaldı.
Ta ha/20:122 Sonra Rəbbi onu seçib əfv etdi və ona yol göstərdi.
Ta ha/20:123 (Allah) dedi ki, "Bir-birinizə düşmənlər olaraq ordan aşağı enin. Sizə Məndən bir yol göstərici gəldiyində, kim mənim yoluma tabe olarsa, o azmaz və pərişan olmaz."
Hicr/15:28 Rəbbin mələklərə, "Qurumuş, köhnə (illərlə qalmış) palçıqdan bir insan yaradacağam," demişdi.
Hicr/15:29 "Onu hazırlayıb ona ruhumdan üfürdüyüm zaman dərhal onun üçün səcdəyə varın," demişdi.
Hicr/15:30 Bütün mələklər toplu halda səcdə etdilər;
Hicr/15:31 Ancaq İblis (şeytan) xaric. Səcdə edənlərlə bərabər olmağı rədd etdi.
Hicr/15:32 Dedi ki: "Səni səcdə edənlərlə bərabər olmaqdan uzaq tutan şey nədir, İblis?"
Hicr/15:33 Dedi ki: "Qurumuş, köhnə (illərlə qalmış) palçıqdan yaratdığın insana səcdə edən deyiləm."
Hicr/15:34 (Tanrı:) "Elə isə çıx oradan; sən qovuldun!"
Hicr/15:35 "Haqq-hesab gününə qədər lənətə layiq oldun," dedi.
Hicr/15:36 (İblis:) "Rəbbim, diriləcəkləri günə qədər mənə möhlət ver," dedi.
Hicr/15:37 (Allah) dedi ki: "Oldu, sənə möhlət verildi."
Hicr/15:38 "Məlum vaxtın gününə qədər..."
Hicr/15:39 (İblis) dedi ki: "Rəbbim, məni yoldan çıxartdığın üçün, onları yer üzündə başdan çıxarıb toplu halda azdıracağam."
Hicr/15:40 "Özlərini sadəcə Sənə həsr edənlər xaric."
Hicr/15:41 (Allah) dedi ki: "Bax Mənim dəyişməz qanunum budur."
Hicr/15:42 "Əlbəttə, sadəcə Mənə qulluq edənlərə qarşı bir gücün yoxdur. Ancaq sənə tabe olan azğınlara gücün yetər."
Hicr/15:43 "Cəhənnəm hamısının görüşmə yeridir."
Hicr/15:44 "Onun yeddi qapısı vardır və hər bir qapı üçün onlardan müəyyən bir pay vardır."
Sad/38:71 Rəbbin mələklərə demişdi ki, "Palçıqdan bir insan yaradacağam."
Sad/38:72 "Onu nizama saldığım və ona ruhumdan üfürdüyüm zaman ona səcdə edin."
Sad/38:73 Bütün mələklər ona səcdə etdi;
Sad/38:74 Ancaq İblis xaric. Təkəbbür göstərdi və nankor oldu.
Sad/38:75 "Ey İblis, əllərimlə yaratdığıma səcdə etməkdən səni çəkindirən nədir? Təkəbbürmü göstərdin? Yoxsa üsyanmı etdin?" dedi.
Sad/38:76 "Mən ondan daha üstünəm. Məni atəşdən yaratdın, onu isə palçıqdan yaratdın," dedi.
Sad/38:77 "Çıx oradan. Sən qovuldun," dedi.
Sad/38:78 "Haqq-hesab Gününə qədər lənətimə layiqsən."
Sad/38:79 Dedi ki, "Rəbbim, diriləcəkləri günədək məni ertələ (təxirə sal)."
Sad/38:80 Dedi ki, "Sənə möhlət verilmişdir;"
Sad/38:81 "Məlum vaxtın gününə qədər."
Sad/38:82 Dedi ki, "Böyüklüyünə and olsun, hamısını azdıracağam."
Sad/38:83 "Ancaq onlardan özlərini sadəcə sənə həsr edən qulların xaric."
Sad/38:84 Dedi ki, "Bu gerçəkdir və Mən sadəcə gerçəyi söyləyirəm."
Sad/38:85 "Cəhənnəmi səninlə və onlardan sənin ardınca gedənlərlə kütləvi şəkildə dolduracağam."
Ayənin Suallarına Keç