Nur - 24:4 Evli qadınları günahlandırdıqdan sonra dörd şahid gətirə bilməyənlərə səksən qamçı vurun və onların şahidçiliyini əbədi olaraq qəbul etməyin. Onlar yoldan çıxmış kimsələrdir.
İman edənləri haqsız yerə təhqir edənlər və iftiraya məruz qoyanlar:
Nisa/4:112 Kim bir xəta yaxud bir günah işləyər, sonra da onu bir günahsızın üzərinə atarsa, şübhəsiz böyük bir iftira və açıq-aşkar bir günah yüklənmiş olar.
Yusuf/12:24 Qadın onu çox arzulamışdı, Rəbbinin işarətini görməsəydi o da onu çox arzulamışdı. Beləcə pislik və fənalığı ondan çevirdik. O, xalis qullarımızdandı.
Yusuf/12:25 Qapıya doğru qaçdılar. Qadın onun köynəyini arxadan çəkib cırdı. Qapının yanında qadının bəyi ilə qarşılaşdılar. Qadın: "Arvadına təcavüz etmək istəyən kişinin ya həbs edilməsi və ya ağrılı-acılı bir əzabla cəzalandırılması lazım deyilmi?" dedi.
Yusuf/12:26 Dedi ki: "Əslində sənin arvadın məni başdan çıxarmaq istədi." Ailədən bir şahid: "Köynəyi ön tərəfdən cırılmışsa qadın doğrunu söyləyir, o isə bir yalançıdır."
Yusuf/12:27 "Yox əgər köynəyi arxadan cırılmışsa, o zaman qadın yalançı, o doğru sözlüdür," deyə şahidlik etdi.
Yusuf/12:28 Köynəyinin arxadan cırıldığını görüncə: "Bu, siz qadınların planıdır. Planınız müdhişdir." dedi.
Yusuf/12:29 "Yusuf, sən bu hadisəni unut, sən də (ey qadınım) günahına görə bağışlanma dilə. Sən xəta işlədin."
Nur/24:4 Evli qadınları günahlandırdıqdan sonra dörd şahid gətirə bilməyənlərə səksən qamçı vurun və onların şahidçiliyini əbədi olaraq qəbul etməyin. Onlar yoldan çıxmış kimsələrdir.
Nur/24:11 O iftiranı, sizdən bir banda uydurdu. Onun sizin üçün pis olduğunu sanmayın; əksinə sizin üçün xeyirlidir (bir dərsdir). Bu arada, onlardan hər biri günahı paylaşmışdır. Başçılıq edənləri də böyük bir cəzaya layiqdir.
Nur/24:12 Onu eşitdiyiniz zaman, siz iman edən kişi və qadınların bir-biriniz haqqında yaxşı düşüncələrə sahib olaraq, "Bu açıq-aşkar böyük bir yalandır," deməli deyildinizmi?
Nur/24:13 Dörd şahid gətirməli deyildilərmi? Şahidlər gətirmədiklərinə görə onlar Allah yanında yalançılardandır.
Nur/24:14 Allahın sizə dünya və axirətdə lütfü və mərhəməti olmasaydı, batıb-bulaşdığınız o hadisədən ötrü sizə böyük bir cəza toxunacaqdı.
Nur/24:15 Onu dilinizə dolamış və haqqında bir bilginiz olmayan bir mövzuda ağzınızı açıb danışırdınız. Onu bəsit bir şey sanmışdınız. Halbuki o, Allah yanında böyükdür.
Nur/24:16 Onu eşitdiyiniz zaman, "Bunu danışmağımız doğru deyil. Sən Ucasan. Bu böyük bir iftiradır," deməli deyildinizmi?
Nur/24:17 İman edənlərsinizsə, Bənzərini təkrarlamayasınız deyə Allah sizə öyüd verir.
Nur/24:23 İffətli və (pisliklərdən) xəbərsiz iman edən qadınlara iftira edənlər, dünya və axirətdə lənətlənirlər və onlar üçün böyük bir cəza vardır.
Əhzab/33:58 İman edən kişiləri və iman edən qadınları, etmədikləri bir şeydən dolayı incidənlər, əlbəttə bir iftira və açıq-aşkar bir günah yüklənmişlərdir.
Hucurat/49:6 Ey iman edənlər, pis xarakterlərə sahib birisi sizə bir xəbər gətirərsə onu araşdırın. Yoxsa bilmədən bir topluluğa qarşı haqsızlıq edərsiniz və daha sonra etdiyinizdən peşman olarsınız.
Qaləm/68:10 Bunların heç birinə uyma: tez-tez and içən, alçağ,
Qaləm/68:11 İftiraçı, sözgəzdirən,
Qaləm/68:12 Yaxşılığa və yardıma əngəl olan, mütəcaviz, günahkar.
Qaləm/68:13 İnsafsız və saxtakar.
Huməzə/104:1 Təəssüflər olsun hər dedi-qoduçuya və iftiraçıya.
Ayənin Suallarına Keç