Nəml - 27:84 Gəldikləri zaman, "Ayə və möcüzələrimi bilginizlə qavramadığınız halda yalanladınız, eləmi? Yoxsa etdiyiniz nə idi?" deyər.
Elçilərin dəlil və möcüzələrinə (ayələrinə) nümunələr:
Fatir/35:25 Səni yalanlayırlarsa, onlardan öncəkilər də yalanladılar. Elçiləri onlara açıq-aşkar sənədlər, ilahilər və aydınladan kitablar gətirdilər.
Ali İmran/3:184 Səni yalanlayarlarsa (çaşma), səndən öncə açıq-aşkar dəlillər, Zəburlar (Tanrı sevgisini dilə gətirən İlahilər) və aydınladıcı kitab gətirən elçilər də yalanlanmışdı.
İsra/17:59 Öncəkilərin onları yalanlamış olması, Bizi ayələr göndərməkdən saxlamadı. Örnək olaraq, Səmud (xalqına) dəvəni açıq şəkildə vermişdik. Fəqət ona haqsızlıq etdilər. Biz ayələri yalnızca xəbərdarlıq məqsədiylə göndəririk.
Şuəra/26:141 Səmud (xalqı) da elçiləri yalanladı.
Şuəra/26:142 Qardaşları Saleh onlara demişdi ki, "Müttəqi olmayacaqsınız?"
Şuəra/26:143 "Mən sizə göndərilmiş güvənilir bir elçiyəm."
Şuəra/26:144 "Allahı dinləyib mənə tabe olmalısınız."
Şuəra/26:145 "Buna qarşılıq sizdən bir ücrət də istəmirəm. Mənim ücrətimi ancaq aləmlərin Rəbbi ödəyər."
Şuəra/26:146 "Burada güvənlik içindəmi buraxılacaqsınız?"
Şuəra/26:147 "Bağçalar, bulaqlar,"
Şuəra/26:148 "Əkinlər və yetişmiş meyvəli xurmalıqlar içindəsiniz."
Şuəra/26:149 "Və dağlardan dəbdəbəli köşklər yontursunuz."
Şuəra/26:150 "Allahı dinləyib mənim ardımca gəlməlisiniz."
Şuəra/26:151 "Həddi aşanların əmrinə tabe olmayın."
Şuəra/26:152 "Onlar yer üzündə yaxşılıq deyil, pislik işləyərlər."
Şuəra/26:153 Dedilər ki, "Sən ovsunlanmışsan."
Şuəra/26:154 "Sən bizim kimi bir insansan. Doğru sözlüsənsə, bizə bir möcüzə gətir görək."
Şuəra/26:155 (Saleh) dedi ki, "Bax bu dəvədir! Onun su içəcəyi müəyyən bir zamanı vardır. Sizin də su içəcəyiniz müəyyən bir gününüz vardır."
Şuəra/26:156 "Ona bir pislik toxundurmayın. Yoxsa böyük bir günün cəzasına uğrayarsınız."
Şuəra/26:157 Nəhayət onu kəsdilər; ancaq peşman oldular.
İsra/17:101 Musaya açıq-aşkar doqquz möcüzə verdik. İstəyirsən İsrail oğullarından soruş. Onların yanına getdiyində, Firon ona, "Musa, sənin ovsunlanmış olduğunu sanıram," demişdi.
İsra/17:102 "Göylərin və yerin Rəbbindən başqasının bu dəlilləri endirmədiyini yaxşı bilirsən. Firon, səni məhv olmuş biri olaraq görürəm!"
Ta ha/20:14 "Mən, bəli Mən Allaham; Məndən başqa tanrı yoxdur. Mənə qulluq et və Məni xatırlamaq üçün namazı qoru!"
Ta ha/20:15 Dünyanın sonu əlbəttə gələcəkdir. Hər kəs etdiyinin qarşılığını görsün deyə Mən az qala onu gizləyəcəyəm.
Ta ha/20:16 Ona iman etməyib istəyinə uyanlar səni ondan yayındırmasın, sonra başın üstünə yıxılarsan.
Ta ha/20:17 "Bu əlindəki nədir, Musa?"
Ta ha/20:18 "O, mənim dəyənəyimdir. Ona söykənirəm, onunla qoyunlarıma yarpaq silkələyirəm və mənə əlavə başqa faydaları da toxunmaqdadır," dedi.
Ta ha/20:19 "At onu Musa!" dedi.
Ta ha/20:20 Onu atınca, hərəkətli bir ilana döndü.
Ta ha/20:21 Dedi, "Götür onu, qorxma. Onu ilk halına salacağıq.
Ta ha/20:22 "Bir başqa dəlil olaraq, əlini qoltuğunun altına qoy; ləkəsiz ağappaq olaraq çıxsın."
Ta ha/20:23 "Beləcə sənə ən böyük möcüzələrimizdən bəzilərini göstərək."
Ta ha/20:24 "Fironun yanına get, çünki o, azdı."
Əraf/7:171 Dağı bir çətir kimi üzərlərində sallamışdıq. Belə ki, təpələrinə düşəcəyini sanmışdılar: "Sizə verdiyimə möhkəmcə sarılın. Qurtula bilməniz üçün məzmunu üzərində düşünün."
Bəqərə/2:55 Bir zamanlar, "Ey Musa, Allahı fiziki olaraq (açıq-aşkar) görmədikcə iman etməyəcəyik,”– demişdiniz. Gözünüz görə-görə sizi ildırım vurmuşdu.
Əraf/7:160 Onları on iki qəbilə halında topluluqlara ayırdıq. Xalqı ondan su istədiyi zaman Musaya, "Əsan ilə daşa vur," deyə vəhy etdik. Ondan on iki çeşmə fışqırdı və hər qəbilə içəcəyi yeri bildi. Ayrıca onları buludlarla kölgələndirdik və üzərlərinə mənna və bildirçin endirdik: "Sizə verdiyim ruzilərdən yeyin." Onlar Bizə haqsızlıq etmirdilər, öz-özlərinə haqsızlıq edirdilər.
Şuəra/26:63 Musaya, "Dəyənəyini dənizə vur!" deyə vəhy etdik. Bundan sonra yarıldı və hər hissəsi böyük bir təpə kimi oldu.
Bəqərə/2:67 Bir zaman Musa öz xalqına: “Allah sizə bir düyə kəsmənizi əmr edir!” demişdi. (Onlar:) “Sən bizi məsxərəyə qoyursan?”– deyincə, (Musa:) "Cahil kimi davranmaqdan Allaha sığınıram!”– dedi.
Bəqərə/2:68 “Bizim üçün Rəbbini çağır ki, onun nə cür olduğunu bizə açıqlasın!” dedilər. "O deyir ki, o, nə çox qoca, nə də çox cavan, ikisinin ortasında bir düyədir. Sizə əmr ediləni edin," dedi.
Bəqərə/2:69 "Bizim üçün Rəbbini çağır ki, onun rəngini də açıqlasın,” dedilər. (Musa) dedi ki: "O deyir ki, o rəngi parlaq sarı bir düyədir. Görənlərin xoşuna gələr."
Bəqərə/2:70 "Bizim üçün Rəbbini çağır ki, onun nə cür olduğunu bizə daha da açıqlasın. Çünki düyələr bizə görə bir-birinə bənzəyir. Allah istəyərsə, yolu taparıq," dedilər.
Bəqərə/2:71 “O deyir ki, o düyə, yeri şumlayaraq, əkini sulayaraq boyunduruq altında əzilməmiş, qüsursuz, ləkəsiz bir düyədir,” dedi. “Bax indi gerçəyi gətirdin!”– deyərək nəhayət düyəni kəsdilər, az qalsın bunu etməyəcəkdilər.
Bəqərə/2:72 Bir vaxt bir nəfəri öldürmüş və günahı bir-birinizin üstünə atmışdınız. Halbuki Allah gizlədiklərinizi aşkara çıxaracaqdı.
Bəqərə/2:73 “(Düyənin) bir parçasıyla ona (öldürülənə) vurun!” dedik. Bax, Allah ölüləri bu cür dirildir və düşünəsiniz deyə ayələrini (möcüzələrini) bu cür göstərir.
Ali İmran/3:49 "İsrail oğullarına göndərilən bir elçi olaraq (deyəcək ki): Mən sizə, Rəbbinizdən bir dəlil ilə gəldim. Sizə palçıqdan quş heykəli düzəldib ona üfürərəm və Allahın izni ilə bir quş olar. Allahın izni ilə koru və cüzamlını yaxşılaşdırar, ölünü dirildərəm. Nə yediyinizi və evlərinizdə nələr yığıb saxladığınızı sizə bildirə bilərəm. İman edəcəksinizsə bu dəlillər sizin üçün yetərlidir."
Ali İmran/3:50 "Məndən öncəki Tövratı təsdiqləmək və sizə haram edilən bəzi şeyləri halal etmək üçün göndərildim. Sizə Rəbbinizdən bir dəlil gətirdim. Allahı dinləyin və məni izləyin."
Ali İmran/3:51 "Allah mənim də Rəbbim, sizin də Rəbbinizdir; Ona qulluq edin. Budur doğru yol."
Ali İmran/3:52 İsa onlardan inkarçı bir rəftarı hiss edincə, "Allah yolunda kim mənə yardımçı olacaq?" - dedi. Tələbələri, “Biz Allahın yardımçılarıyıq; Allaha iman etdik. Müsəlman olmağımıza şahid ol", deyə qarşılıq verdilər.
Maidə/5:112 Həvarilər, "Məryəm oğlu İsa! Rəbbin bizə göydən bir ziyafət verə bilərmi?" - demişdilər. "İman edirsinizsə, Allaha ehtiram edin," - demişdi.
Maidə/5:113 "İstəyirik ki, ondan yeyək, qəlbimiz rahat olsun, sənin bizə doğru söylədiyini bilək və ona şahid olaq."
Maidə/5:114 Məryəm oğlu İsa: "Tanrımız, Rəbbimiz, bizə göydən bir ziyafət endir ki, hamımız və hər birimiz üçün bir bayram və Səndən bir dəlil olsun. Bizi ruziləndir. Sən ən yaxşı ruzi verənsən," - dedi.
Maidə/5:115 Allah, "Onu sizə endirəcəyəm," - dedi, "Kim artıq bundan sonra inkar edərsə, onu, heç kimsəyə vermədiyim bir əzabla cəzalandıracağam."
Ayənin Suallarına Keç