Bəqərə - 2:164
Göylərin və yerin yaradılışında, gecənin və gündüzün bir-birilə yer dəyişdirməsində, insanların faydası üçün okeanda axıb gedən gəmilərdə, Allahın göydən su endirib ölümündən sonra yer üzünü diriltməsində və orada yaydığı hər növ canlıda, küləkləri və göy ilə yer arasında hazır olan buludları fırladıb çevirməsində ağlını istifadə edən bir camaat üçün əlbəttə ayələr (dərslər və dəlillər) vardır.
Buludları fırladıb çevirməsində ibrət nədir?
Rum/30:48
Allah küləkləri göndərərək buludları sürüyər, onları istədiyi kimi göydə yayıb üst-üstə yığar və sən də onların arasından yağmurun çıxdığını görərsən. Qullarından istədiyinin üzərinə onu yağdırınca dərhal sevinərlər.
Hicr/15:22
Küləkləri dölləndirici (tozlandırıcı) olaraq göndərdik; göydən bir su endirib sizi onunla suladıq. Halbuki siz onu yığıb saxlaya bilməzdiniz.
Nur/24:43
Bilmirsənmi ki, Allah buludları sürüyər, sonra onları birləşdirər, sonra onları bir-birinin üstünə yığar və sən də yağmurun onların arasından çıxdığını görürsən? Göydən, böyük kütlələrdən dolu yağdırar, istədiyi kimsəni ona məruz qoyar və istədiyindən də onu uzaq tutar. Şimşəyinin parıltısı az qala gözləri alır.
Nəml/27:60
Göyləri və yeri yaradan, göydən bir su yağdırıb, onunla sizin bir ağacını belə bitirə bilməyəcəyiniz gözəl bağçalar bitirən kimdir? Allah ilə birlikdə başqa bir tanrımı? Doğrusu, onlar azmış bir camaatdır.
Fatir/35:9
Allah, buludları qarışdıran küləkləri göndərəndir. Daha sonra onları ölü bir torpağa qovarıq ki, ölümündən sonra torpağı dirildərik. Dirilmə də belədir.
Şura/42:32
Okeanda dağlar kimi axıb gedən gəmilər də Onun ayələrindəndir.
Şura/42:33
İstəyərsə küləkləri durdurar və onlar suyun üzərində hərəkətsiz qalardı. Bunda, hər səbr edən və şükür edən kimsə üçün ibrətlər vardır.