Zəriyət - 51:4 Və işi bölümlərə ayıranlara and olsun ki,
İşi bölümlərə ayıranlar: Məqsəd kimlərdir?
Mursəlat/77:4 Ayırdıqca ayıranlara,
Mursəlat/77:5 Mesajı verənlərə (çatdıranlara),
Saffat/37:164 Hər birimizin bəlli bir görəvi vardır.
Saffat/37:165 Biz, düzənlərik,
Saffat/37:166 Biz, xatırlayıb ucaldanlarıq.
Şura/42:5 Göylər az qala üstlərindən çatlayacaq. Mələklər Rəblərini tərifləyərək ucaldırlar və yer üzündəkilər üçün bağışlanma diləyərlər. Həqiqətən, Allah Bağışlayandır, Rəhmlidir.
Zumər/39:75 Mələkləri, yönətim (idarəetmə) mərkəzinin ətrafını əhatə etdiyi halda, Rəblərini tərifləyərək ucaltdıqlarını görərsən. Aralarında gerçəyə görə hökm verilmişdir və "Tərif aləmlərin Rəbbi Allahadır," deyilir.
Səcdə/32:11 De ki, "Üzərinizə görəvləndirilən ölüm mələyi canınızı alacaq və sonra Rəbbinizə döndəriləcəksiniz."
Hicr/15:57 "Ey elçilər, görəviniz nədir?" dedi.
Hicr/15:58 "Biz, günahkar bir camaata göndərildik;"
Nəhl/16:2 Qullarından istədiyinə, mələkləri vəhylə endirərək, əmrini çatdırır: "İnsanlara xəbərdarlıq edin: Məndən başqa tanrı yoxdur və Məni dinləyin."
Hicr/15:8 Biz mələkləri ancaq bəlli bir məqsəd üçün göndəririk. O zaman da kimsəyə möhlət verilməz.
Muddəssir/74:31 Biz atəşə gözətçi olaraq sadəcə mələkləri təyin etdik. Onların sayını (on doqquzu) da, inkar edənlər üçün bir fitnə (imtahan/hüzursuzluq qaynağı) etdik, kitab verilmiş olanları razı etsin, iman edənlərin inancını gücləndirsin, kitab verilmiş olanlarla iman edənlərin şübhələrini ortadan qaldırsın və qəlblərində xəstəlik olanlarla inkar edənlər də, "Allah bu örnəklə nə demək istəyir?" desinlər. Beləcə Allah istədiyini/istəyəni azdırır və istədiyini/istəyəni də doğruya yönəldir. Rəbbinin ordularını Özündən başqası bilməz. Bu (say) insanlara bir mesajdır.
Məaric/70:4 Mələklər və Ruh (vəhy/komandalar/Cəbrail), əlli min ilə bərabər bir gün içində Ona yüksəlir.
Təhrim/66:6 Ey iman edənlər, yanacağı insanlar və daşlar olan atəşdən özünüzü və ailənizi qoruyun. Atəşin üzərində sərt və güclü mələklər var ki, Allahın əmrinə qarşı gəlməzlər və onlara nə əmr edilmişsə onu yerinə yetirərlər.
Qaf/50:17 Sağında və solunda iki alıcı mələk oturub qeyd etməkdədirlər (yazmaqdadırlar).
Qədr/97:1 Biz onu Qüdrət Gecəsində nazil etdik.
Qədr/97:2 Qüdrət Gecəsi nə qədər önəmlidir, bilirsənmi?
Qədr/97:3 Qüdrət Gecəsi min aydan daha xeyirlidir.
Qədr/97:4 Mələklər və Ruh (Cəbrail) o gecə Rəblərinin izni ilə bütün əmrləri yerinə yetirmək üçün enərlər.
Qədr/97:5 O, dan yeri ağarıncaya qədər salamatlıqdır.
Əhzab/33:43 O ki, sizi qaranlıqlardan nura (aydınlığa) çıxarmaq üçün mələkləri ilə birlikdə sizi dəstəkləyir. O, iman edənlərə qarşı Rəhmlidir.
Ayənin Suallarına Keç