Haqqə - 69:1 Gerçəkləşən (hadisə).
Gerçəkləşən (hadisə) - (Dünyanın sonu, dirilmə və mühakimə.):
Həcc/22:7 Və dünyanın sonu heç bir şəkk-şübhə olmadan gəlməkdədir və Allah məzardakıları dirildəcəkdir.
Səba/34:3 İnkar edənlər, "Saat, heç vaxt gerçəkləşməyəcək," dedilər. De ki, "Şübhəsiz, Rəbbimə and olsun sizə gələcəkdir. O, gələcəyi Biləndir. Göylərdə və yerdə bir atom ağırlığı Ondan gizli qalmaz. İstər ondan kiçik olsun, yaxud böyük olsun... Hamısı açıq-aşkar bir kitabdadır.
Səba/34:29 "Doğru söyləyirsinizsə, o söz nə zaman gerçəkləşəcəkdir?" deyərək meydan oxuyurlar.
Səba/34:30 De ki, "Sizə bir saat gecikməyəcək, bir saat da tez gəlməyəcək, müəyyən edilmiş bir gününüz vardır."
Ali İmran/3:9 "Rəbbimiz, gerçəkləşməsinə şübhə olmayan gündə insanları toplayacaq olan Sənsən." Allah sözündən dönməz.
Ali İmran/3:25 Hər kəsə qazandığının qarşılığı haqsızlıq edilmədən ödənəcəyi, gerçəkləşməsində şübhə olmayan o gün üçün onları topladığımızda halları necə olacaq?
Ğafir/40:59 Dünyanın sonu (Saat) əlbəttə gələcəkdir, bunda şübhə olmasın. Halbuki insanların çoxu iman etməz.
Əraf/7:44 Cənnət əhli cəhənnəm əhlinə səslənər: "Rəbbimizin bizə söz verdiyinin gerçək olduğunu gördük. Rəbbinizin sizə söz verdiyini, siz də gerçək olaraq gördünüzmü?" "Bəli!" deyərlər. Biri aralarında bunu elan edər: "Allahın lənəti zalımların üzərinə olsun."
Yunus/10:52 Sonra zülm edənlərə: "Əbədi əzabı dadın" deyilər, "Qazandığınızdan başqa bir qarşılıqmı gözləyirdiniz?"
Yunus/10:53 "Bu gerçəkdən doğrudurmu?" deyə səndən xəbər gözləyirlər. De ki: "Əlbəttə, Rəbbimə and olsun ki, o gerçəkdir və siz onu əngəlləyə bilməzsiniz!"
Yunus/10:54 Zülm etmiş bir can yer üzündəki hər şeyə sahib olsa, onu fidyə olaraq vermək istəyəcəkdir. Əzabı gördükləri vaxt dərin peşmançılıq hiss edəcəklər. Ədalətlə mühakimə olunacaqlar və onlara zülm edilməyəcəkdir.
Yunus/10:55 Göylərdə və yerdə olan hər şey Allahındır. Allahın sözü tamamilə gerçəkdir; fəqət onların çoxu bilməz.
Yunus/10:56 O, dirildir və öldürür. Ona döndəriləcəksiniz.
Nəhl/16:38 "Allah ölən bir kəsi diriltməz" deyə bütün gücləriylə Allaha and içərlər. Xeyr, Onun verdiyi gerçək bir sözdür o. Ancaq insanların çoxu bunu bilmir.
Ənkəbut/29:5 Kim Allah ilə qarşılaşmağı ümid edirsə, (bunu bilsin ki,) Allahla müəyyən edilmiş görüş mütləq gerçəkləşəcəkdir. O, Eşidəndir, Biləndir.
Rum/30:60 Elə isə  səbr et. Allahın sözü gerçəkdir. Qəti inanca sahib olmayanlar səni etinasızlığa sürükləməsin.
Loğman/31:33 Ey insanlar! Rəbbinizi dinləyin, atanın övladına yardım edə bilməyəcəyi və övladın da ataya yardım edə bilməyəcəyi gündən qorxun. Allahın sözü gerçəkdir. Dünya həyatı sizi aldatmasın. Aldadıcılar, sizi Allah ilə aldatmasınlar.
Zumər/39:71 İnkar edənlər dəstə-dəstə cəhənnəmə götürülərlər. Oraya yetişdiklərində onun qapıları açılar və gözətçiləri onlara, "Sizə, Rəbbinizin ayələrini oxuyan və bu gününüzlə qarşılaşacağınız mövzusunda sizi xəbərdar edən öz içinizdən elçilər gəlməmişdimi?" deyərlər. "Bəli. Ancaq 'cəza' sözü inkar edənlər haqqında gerçəkləşmişdir," deyə qarşılıq verərlər.
Ğafir/40:55 Elə isə səbr et. Çünki Allahın sözü gerçəkdir. Günahların üçün də bağışlanma istə və Rəbbini axşam, səhər tərifləyərək Ucalt.
Ğafir/40:77 Elə isə  səbr et. Allahın sözü gerçəkdir. Onlara söz verdiklərimizin bir qismini sənə göstərsək də və ya canını alsaq da, onlar Bizə döndəriləcəklər.
Şura/42:7 Paytaxt (Ana şəhər) və çevrəsini xəbərdar etməyin üçün və gerçəkləşəcək olan Toplanma Gününə qarşı xəbərdar etməyin üçün Biz qüsursuz bir dilə sahib olan bir Quranı beləcə sənə vəhy edirik. Onlardan bir qismi cənnətə, bir qismi də cəhənnəmə girəcəkdir.
Əhqaf/46:17 Digər tərəfdən bir başqası var ki, ana-atasına, "Uf sizə, məndən öncə neçə-neçə nəsillər keçmiş olmasına rəğmən mənim dirildiləcəyimimi iddia edirsiniz?" O ikisi isə Allaha sığınaraq: "Təəssüflər olsun sənə; lütfən iman et. Allahın sözü gerçəkdir." Bunun üzərinə o, "Bu, keçmişdəkilərin nağıllarından başqa bir şey deyil," deyər.
Zəriyət/51:5 Sizə söz verilən şübhəsiz bir gerçəkdir.
Zəriyət/51:6 Haqq-hesab həqiqətən gerçəkləşəcəkdir.
Zəriyət/51:60 Onlara söz verilən Günə görə vay halına bu inkar edənlərin!
Tur/52:7 Rəbbinin cəzalandırması həqiqətən gerçəkləşəcəkdir.
Tur/52:8 Ona mane olacaq heç bir güc yoxdur.
Haqqə/69:13 Boruya bir dəfə üfürüldüyü zaman,
Haqqə/69:14 Yer və dağlar qaldırılıb bir-birinə çırpılıb darmadağın edildiyi zaman,
Haqqə/69:15 Qaçılmaz hadisə gerçəkləşdiyi, məhz o gün.
Məaric/70:42 Burax onları, onlara söz verilən gün ilə qarşı-qarşıya gəlincəyə qədər dalsınlar, oynayıb-əylənsinlər.
Məaric/70:43 O gün, məzarlarından tez-tələsik çıxarlar; Qurban daşına sürüklənirlərmiş kimi...
Məaric/70:44 Gözləri dönmüş, özlərini utanc bürümüş olaraq. Bax bu, onlara söz verilmiş olan gündür.
Muzzəmmil/73:17 Bəs, inkar edərsinizsə, uşaqların saçlarını ağardan bir gündən necə qorunarsınız?
Muzzəmmil/73:18 Göy belə ondan ötrü yarılar. Onun sözü gerçəkləşər.
Mursəlat/77:7 Sizə söz verilənlər mütləq gerçəkləşəcəkdir.
Mursəlat/77:8 Ulduzlar söndürüldüyü,
Mursəlat/77:9 Göyün yarıldığı,
Mursəlat/77:10 Dağların ovxalanıb sovurulduğu,
Mursəlat/77:11 Və elçilərə randevu verildiyi zaman,
Mursəlat/77:12 Müəyyən edilən gün üçün...
Mursəlat/77:13 Yəni Qərar Günü üçün!
Mursəlat/77:14 O necə bir Haqq-hesab günüdür bilirsənmi?!
Mursəlat/77:15 Yalanlayanların vay halına o gün!
Şura/42:18 Ona iman etməyənlər onun haqqında meydan oxuyurlar. Ona iman edənlər isə ondan təşvişə düşərlər və onun gerçək olduğunu bilirlər. Saat mövzusunda şübhəyə düşənlər böyük bir azğınlıq içindədirlər.
Zuxruf/43:61 O (İsa), Saat haqqında bir bilgi qaynağı və işarətdir. Elə isə onun (zamanı) haqqında şübhə etməyin və məni izləyin. Doğru yol budur.
Casiyə/45:26 De ki, "Sizi Allah dirildir və öldürür. Sonra gerçəkləşməsində şübhə olmayan Dirilmə Günündə sizi bir araya toplayar. Fəqət insanların çoxu bilməz."
Vaqiə/56:1 Qaçılmaz hadisə gerçəkləşdiyi zaman,
Vaqiə/56:2 Onun gerçəkləşməsini artıq yalanlayan çıxmaz.
Vaqiə/56:3 O, alçaldıcıdır, ucaldıcıdır.
Ayənin Suallarına Keç