Naziat - 79:14 Onlar oyanmışlar.
"Onlar oyanmışdılar": Əlaqəli
Saffat/37:16 "Biz ölüb, torpaq və sümük olduqdan sonra dirildiləcəyik, eləmi?"
Saffat/37:17 "Hətta bizdən öncəki atalarımız da eləmi?"
Saffat/37:18 De ki, "Bəli, həm də alçaldılaraq."
Saffat/37:19 O, bir tək toxunmadır. O zaman (qalxıb) sağa-sola baxarlar.
Saffat/37:20 "Vay halımıza! Bu Haqq-hesab günüdür," deyərlər.
Saffat/37:21 Bu, sizin yalanlamış olduğunuz qərar günüdür.
Ya sin/36:51 Boruya üfürülən kimi, onlar məzarlarından qalxıb Rəblərinə qaçacaqlar.
Ya sin/36:52 "Vay halımıza, yatdığımız yerdən bizi kim qaldırdı? Bu, Rəhmanın söz verdiyi şeydi. Demək elçilər doğru söyləmişdi," deyərlər.
Zumər/39:68 Boruya üfürülən kimi göylərdə və yerdə kim varsa, Allahın istədikləri xaric, özlərindən gedib bayılarlar. Sonra ona təkrar üflənər, onlar da ayağa qalxıb baxışarlar.
İbrahim/14:42 Zalımların etdiklərindən Allahı xəbərsiz sanma. Onları sadəcə, gözlərin dəhşətdən donub qalacağı günə qədər təxirə salmaqdadır.
İbrahim/14:43 Başları boyunları üstündə sərt hərəkətsiz halda durmuş, göz qapaqlarını da qırpmadan qorxudan zehinləri bomboş bir halda qaçırlar.
Ta ha/20:108 O gün, ən xırda bir sapma göstərmədən çağırana tabe olarlar. Səslər Rəhmanın hüzurunda kəsilmişdir; pıçıltıdan başqa bir şey eşidə bilməzsən.
Qaf/50:41 Çağırıcının yaxın bir yerdən çağıracağı günə qulaq as.
Qaf/50:42 O gün o çığlığı həqiqətən eşidərlər; bu, çıxış günüdür.
Qamər/54:6 Onlara əhəmiyyət vermə; Çağırıcının, görülməmiş və tanınmamış bir şeyə çağıracağı gün,
Məaric/70:43 O gün, məzarlarından tez-tələsik çıxarlar; Qurban daşına sürüklənirlərmiş kimi...
Məaric/70:44 Gözləri dönmüş, özlərini utanc bürümüş olaraq. Bax bu, onlara söz verilmiş olan gündür.
Qamər/54:7 Gözləri zillət içində məzarlardan çıxarlar; eyni səpələnib yayılmış çəyirtkələr kimi...
Qamər/54:8 Çağırıcıya doğru qaçarlarkən, inkar edənlər, "Bu çətin bir gündür," deyərlər.
Naziat/79:14 Onlar oyanmışlar.
Naziat/79:6 O gün o sarsıntı sarsıldar.
Naziat/79:7 Ardından bir başqası gələr.
Naziat/79:8 O gün ürəklər titrəyər.
Naziat/79:9 Gözləri isə alçalar (yerə dikilər).
Naziat/79:10 Deyərlər ki, "Daha öncəki halımızamı döndərildik?"
Naziat/79:11 "Özü də, biz çürümüş sümüklər olduqdan sonra!?"
Naziat/79:12 "Elə isə bu zərərli bir dönmədir," deyərlər.
Naziat/79:13 O tək bir dürtmədən ibarətdir.
Naziat/79:16 Rəbbi, mübarək Tuva vadisində ona səslənmişdi:
Ayənin Suallarına Keç