Əraf - 7:43
Kökslərindən kin və qısqanclıq duyğularını çıxardıq. Altlarından çaylar axarkən: "Bizi buna yetişdirən Allaha təriflər olsun. Allah bizi doğruya yönəltməsəydi biz doğrunu tapa bilməzdik. Rəbbimizin elçiləri gerçəyi gətirmişdilər," dedilər. Onlara: "Bax bu Cənmət sizindir. Etdiklərinizə qarşılıq olaraq onu miras aldınız," deyə səsləndik.
Cənnətdə də tərif Allahadır:
Əraf/7:42
İman edib müttəqi bir həyat yaşayanlara gəlincə, biz heç kimsəyə gücünün yetdiyindən artıq məsuliyyət yükləmərik; onlar cənnət əhlidir. Onlar orada əbədi qalıcıdırlar.
Əraf/7:43
Kökslərindən kin və qısqanclıq duyğularını çıxardıq. Altlarından çaylar axarkən: "Bizi buna yetişdirən Allaha təriflər olsun. Allah bizi doğruya yönəltməsəydi biz doğrunu tapa bilməzdik. Rəbbimizin elçiləri gerçəyi gətirmişdilər," dedilər. Onlara: "Bax bu Cənmət sizindir. Etdiklərinizə qarşılıq olaraq onu miras aldınız," deyə səsləndik.
Yunus/10:9
İman edib müttəqi işlər görənlərə gəlincə, Rəbləri inanclarına görə onları doğruya yönəldir. Nemət cənnətlərində ayaqlarının altından çaylar axar.
Yunus/10:10
Oradakı duaları: "Tanrımız, Sən Ucasan," oradakı salamlaşmaları: "Salam," və dualarının sonu da: "Tərif aləmlərin Rəbbi Allahadır," (sözləridir).
Qasas/28:70
O, Allahdır. Ondan başqa tanrı yoxdur. Əvvəldə də, Axırda da təriflər Onadır. Bütün hökm də Ona aiddir və Ona döndəriləcəksiniz.
Səba/34:1
Tərif, göylərdə və yerdə nə varsa Özünə aid olan Allahadır. Axirətdə də tərif Onadır. O Hikmət Sahibidir, Xəbər Alandır.
Səba/34:1
Tərif, göylərdə və yerdə nə varsa Özünə aid olan Allahadır. Axirətdə də tərif Onadır. O Hikmət Sahibidir, Xəbər Alandır.
Fatir/35:33
Ədn (sonsuzluğadək davam edən) cənnətlərinə girərlər. Orada qızıl bilərziklər və incilər taxacaqlar, oradakı libasları isə ipəkdəndir.
Fatir/35:34
Və deyərlər: "Narahatçılıqlarımızı aradan qaldıran Allaha təriflər olsun! Rəbbimiz gerçəkdən Bağışlayandır, Təqdir Edəndir."
Fatir/35:35
"O ki, lütfü ilə bizi (əbədi) olacaq yurda yerləşdirdi. Orada nə bir yorulma, nə də bir üzüntü hiss edərik."
Zumər/39:73
Rəblərinə ehtiram edib dinləyənlər isə dəstə-dəstə cənnətə götürülərlər. Oraya yetişdiklərində onun qapıları açılar və gözətçiləri onlara, "Sizə sülh olsun; qazandınız. Haydı, təməlli qalmaq üçün oraya daxil olun," deyərlər.
Zumər/39:74
"Bizə verdiyi sözü gerçəkləşdirən, yeri bizə miras buraxan və cənnətdə istədiyimiz yerdə sakin olmağımızı təmin edən Allaha təriflər olsun", deyərlər. Çalışanların (səy göstərənlərin) ücrəti necə də gözəlmiş!
Zumər/39:75
Mələkləri, yönətim (idarəetmə) mərkəzinin ətrafını əhatə etdiyi halda, Rəblərini tərifləyərək ucaltdıqlarını görərsən. Aralarında gerçəyə görə hökm verilmişdir və "Tərif aləmlərin Rəbbi Allahadır," deyilir.