Əbəsə - 80:27
Və orada dənələr (dənli bitkilər) bitirdik,
17, 18 ... 32 ayələri əsasında; yenidən dirilməni mümkünsüz hesab edənlərə xatırlatma; Göyləri və yeri yaradıb onlarda müxtəlif məxluqlar yayması, bunların təkrar yaradıla biləcəyinə və dolayısı ilə yenidən dirilməyə işarədir:
Ya sin/36:77
İnsan, onu bir damcıdan (nütfədən) yaratdığımızı görmürmü ki, Bizə qarşı açıq-aşkar bir düşmən kəsilir?
Ya sin/36:78
Və yaradılışını unudaraq bizə örnəkli bir sual yönəltdi: "Çürüdükdən sonra sümükləri kim dirildəcək?"
Ya sin/36:79
De ki, "Kim onları ilk dəfə yaratdısa onları yenə O dirildəcək. O, hər cür yaratmağı Biləndir."
Kəhf/18:36
"Dünyanın sonunun da gələcəyini sanmıram. Rəbbimə döndərilərəmsə də orada daha yaxşısını əldə edərəm."
Kəhf/18:37
Onunla söhbət edən yoldaşı ona dedi ki: "Səni torpaqdan, xırda bir damladan yaradıb səni bir adam şəklinə salan Rəbbinimi inkar edirsən?"
Qiyamə/75:36
İnsan, başıboş buraxılacağınımı sanır?
Qiyamə/75:37
Tökülən mənidən bir sperma deyildimi?
Qiyamə/75:38
Və bir embriona çevrildikdən sonra, O yaradıb forma verdi.
Qiyamə/75:39
Və ondan erkək və dişi olmaq üzrə iki cift yaratdı.
Qiyamə/75:40
Bunları yaradanın ölüləri diriltməyə gücü yetməzmi?
Qaf/50:6
Üstlərindəki göyə baxmadılarmı, onu heç bir çatlağı olmadan necə yaratdıq və onu necə süslədik?
Qaf/50:7
Yer üzünü genişlədib içinə sağlam dağlar yerləşdirdik və cürbəcür gözəl bitkilər.
Qaf/50:8
Hər yönələn qul üçün bu bir aydınlatma və mesajdır.
Qaf/50:9
Və göydən bərəkətli bir su endirərək, onunla bağçalar və biçiləcək dənələri (dənli bitkiləri) bitirdik.
Qaf/50:10
Salxım-salxım tumurcuqlara sahib yüksək xurma ağacları yetişdirdik.
Qaf/50:11
Qullara bir qida olaraq. Onunla bölgəni diriltdik. Çıxış (dirilmə) də belədir.
Ya sin/36:81
Göyləri və yeri yaradan onların bənzərini yaratmağa güc yetirə bilməzmi? Gerçəkdən O, Yaradandır, Biləndir.
İsra/17:99
Göyləri və yeri yaradan Allahın, onların bir bənzərini təkrar yaratmağa qadir olduğunu düşünmürlərmi? Həqiqətən, (Allah) onlar üçün bəlli və qəti bir vaxt qoymuşdur. Zalımlar hələ də inkar edirlər.
İbrahim/14:48
Yerin başqa bir yer ilə, göylərin də başqa göylərlə dəyişdirildiyi, hər kəsin Tək və Ən Uca olan Allahın hüzuruna gətirildiyi gün...
Kəhf/18:47
Dağları silib götürdüyümüz və yeri çılpaq buraxdığımız gün onları toplayarıq; bir dənəsini belə buraxmadan.
Ta ha/20:105
Səndən dağları soruşarlar. De ki, "Rəbbim onları ovxalayıb sovuracaq."
Ta ha/20:106
"Yerlərini dümdüz, bomboş edəcəkdir."
Ta ha/20:107
"Orada nə xırda bir əyrilik, nə də kiçik bir təpə görəcəksən."
Ənbiya/21:104
O gün göyü sənədlərin büküldüyü kimi qatlayar. Yaradılışın ilk vəziyyətini necə başlatmışıqsa ona çevirərik. Üzərimizə söz; Biz mütləq gerçəkləşdirərik.