Ğaşiyə - 88:9 Etdiklərindən ötrü sevinclidir.
Cənnət əhlinin sevinci:
Əbəsə/80:38 O gün bəzi üzlər var ki, nurlu olacaq,
Əbəsə/80:39 Gülərüzlü, nəşəli.
Ğaşiyə/88:8 O gün başqa üzlər də var ki, xoşbəxtdir.
Ğaşiyə/88:9 Etdiklərindən ötrü sevinclidir.
Qiyamə/75:22 O gün bəzi üzlər parlayar.
Qiyamə/75:23 Rəbbinə baxar.
İnsan/76:5 Yaxşılar isə, kafur (CHO) qarışdırılmış bir qədəhdən içərlər.
İnsan/76:6 Allahın qullarının daşıraraq içdikləri bir qaynaq...
İnsan/76:7 Onlar sözlərini yerinə yetirərlər və olduqca pis olan bir gündən qorxarlar.
İnsan/76:8 Yoxsula, yetimə və dustağa sevdikləri yeməkləri yedirərlər.
İnsan/76:9 "Biz sizi Allah rizası üçün yediririk. Sizdən nə bir qarşılıq, nə də bir təşəkkür gözləmirik."
İnsan/76:10 "Biz, üzü dönmüş və bəlalı bir gündən ötrü Rəbbimizdən çəkinirik."
İnsan/76:11 Həqiqətən, Allah onları o günün pisliyindən qoruyar və onlara nəşə və sevinc verər.
Zuxruf/43:69 Ayələrimə iman edənlər və təslim olanlar,
Zuxruf/43:70 Siz və həmtaylarınız cənnətə girin; sevinc içində qarşılanacaqsınız.
Mutaffifin/83:22 Yaxşılar nemətlər içindədir.
Mutaffifin/83:23 Taxtlar üzərində ətrafı seyr edərlər.
Mutaffifin/83:24 Üzlərindən nemətlərin sevinc və parıltısını oxuyarsan.
İnşiqaq/84:7 Kitabı sağ tərəfdən verilən,
İnşiqaq/84:8 Asan bir hesaba çəkiləcək,
İnşiqaq/84:9 Və yoldaşlarına sevinc içində dönəcəkdir.
Ali İmran/3:15 De ki: “Bundan daha yaxşısını sizə xəbər verimmi? Müttəqilər üçün Rəblərinin yanında ağacları altından çaylar axan, içində sonsuzadək qalacaqları cənnətlər (bağçalar), tərtəmiz zövcələr və Allahın razılığını qazanmaqdan ötrü xoşbəxtlik vardır”. Allah qullarını görür.
Kəhf/18:107 İman edib müttəqi davrananlara gəlincə, onlar məskən olaraq sevinc və xoşbəxtliklə dolu olan cənnətlərə layiqdirlər.
Kəhf/18:108 Orada daimi qalacaqlar, oranı heç bir şeylə dəyişmək istəməzlər.
Səcdə/32:17 Etdiklərinə qarşılıq olaraq, onları nə qədər böyük bir sevinc və xoşbəxtlik gözlədiyini heç kimsə bilə bilməz.
Fussilət/41:30 "Rəbbimiz Allahdır," dedikdən sonra doğru yolu izləyənlərin üzərinə mələklər enər, "Qorxmayın, üzülməyin və dəvətli olduğunuz cənnətlə sevinin."
Ali İmran/3:169 Allah yolunda vurulanları ölü sanmayın; əksinə, onlar Rəbləri qatında nemətlər içində diridirlər.
Ali İmran/3:170 Allahın onlara bol-bol verdiyi nemətlərlə sevinc içindədirlər. Onlara hələ qatılmamış yoldaşlarına bir qorxu və üzüntü olmadığını müjdələmək istəyərlər.
Vaqiə/56:88 Ancaq o, (Mənə) yaxınlaşdırılanlardandırsa-
Vaqiə/56:89 o zaman sevinc, çiçəklər və nemət cənnətləri...
Ayənin Suallarına Keç