Şəms - 91:9 Onu təmizləyən qurtulmuşdur.
Təmizləməkdən məqsəd nədir?
Cumuə/62:2 O ki, ümmilərin arasından, özlərindən olan bir elçi göndərmişdir ki, onlara Onun ayələrini oxuyur, onları təmizləyir və onlara kitabı və hikməti öyrədir. Bundan öncə onlar açıq aşkar bir azğınlıq içində idilər.
Naziat/79:40 Rəbbinin məqamına qarşı hörmət göstərən və özünü pis arzulardan saxlayanlara gəlincə,
Naziat/79:41 Gediləcək yer cənnət olacaqdır.
Həşr/59:9 Onlardan öncə yurd və inanca sahib olanlar, onlara hicrət edənləri sevərlər və verdiklərindən ötrü içlərində bir narahatçılıq hiss etməzlər. Hətta özləri ehtiyac içində olsalar belə, onları özlərindən öndə tutarlar. Doğrusu, nəfslərinin xudbinliyindən qorunanlar qurtulanlardır.
Bəqərə/2:271 Yardımlarınızı açıqlasanız, nə gözəl. Ancaq onları gizləyərək möhtaclara versəniz daha yaxşıdır və bu bəzi günahlarınızı örtər. Allah etdiyinizi xəbər alır.
Bəqərə/2:54 Musa öz qövmünə demişdi: “Ey qövmüm! Siz buzova qulluq/xidmət etməklə nəfsinizə (şəxsiyyətinizə, özünüzə, ruhunuza) zülm etdiniz. Odur ki, Yaradanınıza tövbə edin və nəfsinizi (eqonuzu) öldürün. Bu, Yaradanınızın yanında sizin üçün daha xeyirlidir”. O, sizi əfv edər. Əlbəttə O, tövbələri qəbul edəndir, Rəhmlidir.
Tovbə/9:103 Onları təmizləmək və ucaltmaq üçün paralarından bir sədəqə al və onları təşviq et / dəstəklə, çünki sənin dəstəyin onları məmnun edər. Allah Eşidəndir, Biləndir.
Tovbə/9:108 Belə bir yerdə əbədiyyən namaza durma. İlk gündən etibarən müttəqilik üzrə qurulan məscid, namaz qılmağın üçün daha çox uyğundur. Orada təmizlənmək istəyən insanlar vardır və Allah təmizlənənləri sevər.
Bəqərə/2:129 "Rəbbimiz, onların arasından, ayələrini onlara oxuyacaq, onlara kitabı və hikməti öyrədəcək və onları təmizləyəcək bir elçi göndər. Sən Ucasan, Hikmət Sahibisən."
Bəqərə/2:151 Həmçinin, sizə ayələrimi oxuyacaq, sizləri təmizləyəcək, sizə kitab və hikməti öyrədəcək, bilmədiklərinizi bildirəcək bir elçini aranızdan seçib göndərdik.
Ali İmran/3:164 Allah iman edənlərin içərisindən, onlara ayələrini oxuyan, onları təmizləyən, onlara Kitabı və Hikməti öyrədən bir Elçi göndərməklə lütufta bulundu. Halbuki onlar daha öncə açıq-aşkar bir azğınlıq içində idilər.
Maidə/5:41 Ağızlarıyla "iman etdik", dedikləri halda qəlbləriylə iman etməyənlərin inkarçılıqdakı səyləri səni üzməsin. Yəhudilərin bir qrupu var ki, yalana qulaq verir, səninlə heç qarşılaşmamış bir topluluğu dinləyir. Kəlmələrin mənasını dəyişdirib. "Sizə bu verilərsə alın, bu verilməzsə çəkinin," deyirlər. Allah birini çaşdırmaq istəyərsə, Allaha qarşı kimsə ona yardım edə bilməz. Bax onlar, Allahın qəlblərini təmizləmək istəmədiyi şəxslərdir. Onlar üçün dünyada alçaldılma və axirətdə də böyük bir əzab var.
Nur/24:21 Ey iman edənlər! Şeytanın addımlarını izləməyin. Kim Şeytanın addımlarını izləyərsə, ona həyasızlığı və pisliyi əmr edər. Allahın sizə lütfü və mərhəməti olmasaydı, sizdən heç biriniz əbədi olaraq təmizlənə bilməzdi. Ancaq Allah istədiyini təmizləyər. Allah Eşidəndir, Biləndir.
Əhzab/33:32 Ey Peyğəmbərin xanımları, siz hər hansısa bir qadın kimi deyilsiniz. Müttəqisinizsə, işvəli danışmayın ki, qəlbində xəstəlik olan biriləri sizə yönəlməsin. Gözəl və normal şəkildə danışın.
Əhzab/33:33 Evlərinizdə oturun və keçmiş cahiliyyə dövründəki kimi insanlarla çox iç-içə (yaxın) olmayın. Namazı qoruyun, zəkatı verin, Allah və elçisinə tabe olun. Ey Kəbənin çevrəsində yaşayanlar, Allah sizdən günahları qaldırmaq və sizi tamamilə təmizləmək istəyir.
Naziat/79:17 "Fironun yanına get; o azdı."
Naziat/79:18 Ona de ki, "Təmizlənməyəcəksənmi?"
Naziat/79:19 "Səni Rəbbinə tərəf yetişdirim ki, hörmətli olasan."
Əbəsə/80:1 Qaşqabağını salladı və döndü;
Əbəsə/80:2 O kor adam gəldi deyə.
Əbəsə/80:3 Nə bilirsən, bəlkə də, o təmizlənəcək;
Əbəsə/80:4 Yaxud da öyüd-nəsihət alacaq və ona mesajın faydası toxunacaqdı.
Əbəsə/80:5 Özünü zəngin görüb önəm verməyənə gəlincə;
Əbəsə/80:6 Sən ona yönəlirsən.
Əbəsə/80:7 Onun təmizlənməməsindən sənə nə?
Əla/87:14 Qurtulmuşdur təmizlənən,
Əla/87:15 Rəbbinin ismini xatırlayıb namaz qılan.
Şəms/91:7 Nəfsə və onu qaydaya salana,
Şəms/91:8 Sonra da ona pisliyini və müttəqiliyini bildirənə and olsun ki;
Şəms/91:9 Onu təmizləyən qurtulmuşdur.
Leyl/92:14 Mən sizi alovlu bir atəşə qarşı xəbərdar etdim.
Leyl/92:15 Oraya talesiz (bədbəxt) olandan başqası girməz.
Leyl/92:16 O ki, yalanladı və arxasını çevirdi.
Leyl/92:17 Müttəqi isə ondan uzaq tutulacaqdır.
Leyl/92:18 O ki, malını verərək təmizlənir;
Leyl/92:19 Heç kimsədən də buna qarşılıq bir yaxşılıq gözləməz.
Ayənin Suallarına Keç