بِسْمِ اللّٰهِ الرَّحْمٰنِ الرَّح۪يمِ
9
42:21 Yoxsa Allahın izni olmadığı halda onlar üçün dini qaydalar və qanunlar ortaya qoyan ortaqlarımı var? Daha öncə müəyyən edilmiş bir qərar olmasaydı, onların arasında hökm verilərdi. Zalımlara ağrılı-acılı bir əzab vardır.
12
42:22 Etdikləri işlər başlarına gələrkən zalımları təşviş içində görərsən. İman edib müttəqi davrananlar cənnətlərin bağçalarındadır. Onlar üçün Rəbləri qatında istədikləri hər şey vardır. Məhz bu, böyük lütfdür.
10
42:23 Allah, iman edib müttəqi davranan qullarını belə müjdələyir. De ki, "Mən sizdən, əqrəbalıq sevgisindən başqa hər hansısa bir ücrət istəmirəm." Kim bir yaxşılıq işləyərsə, onun yaxşılığını artırarıq. Allah Bağışlayandır, Təqdir Edəndir.
7
42:24 Onlar, "O, Allah haqqında yalan uydurdu." deyirlər, eləmi? Allah istəsə, sənin qəlbini möhürləyər. Allah yanlışı silər və sözləri ilə gerçəyi yerləşdirər. O ən gizli düşüncələri bilir.
4
42:25 O, qullarından tövbələri qəbul edər, günahları əfv edər və etdiklərinizi bilir.
8
42:26 İman edib müttəqi davrananların çağırışına cavab verir və onlara lütfünü artırır. İnkar edənlər isə çətin (şiddətli) bir cəzaya layiq görülmüşdür.
6
42:27 Allah qullarına bolluca ruzi versəydi, yer üzündə azacaqdılar. Həqiqətən, istədiyi ölçüdə göndərir. O, qullarından Xəbərdardır, Görəndir.
9
42:28 Ümidlərini kəsmələrindən sonra yağmuru endirən və rəhmətini yayandır. O, Tərifəlayiq bir Dostdur.
9
42:29 Göyləri və yeri yaradıb onlarda müxtəlif məxluqlar yayması Onun işarələrindəndir. O, istədiyi zaman onları toplaya bilir.
2
42:30 Sizə toxunan bir pislik, işlədiklərinizin bir nəticəsidir. O, bir çoxunu da əfv edər.
3
42:31 Siz bunu əngəlləyə bilməzsiniz yer üzündə. Sizin üçün Allahdan başqa nə bir sahib, nə də bir yardımçı yoxdur.
1
42:32 Okeanda dağlar kimi axıb gedən gəmilər də Onun ayələrindəndir.
5
42:33 İstəyərsə küləkləri durdurar və onlar suyun üzərində hərəkətsiz qalardı. Bunda, hər səbr edən və şükür edən kimsə üçün ibrətlər vardır.
2
42:34 Yaxud, etdikləri üzündən onları məhv edər. Bunun yerinə bir çoxunu da bağışlayar.
2
42:35 Ayələrimiz üzərində mübahisə edənlər özlərinin qaçacaq bir yeri olmadığını bilirlər.
7
42:36 Sizə nə verildisə dünya həyatının dolanışığıdır. Ancaq iman edənlər və Rəblərinə güvənənlər üçün Allahın yanında olanlar daha yaxşıdır və sürəklidir.
6
42:37 Onlar ki, böyük günahlardan, çirkin işlərdən çəkinirlər və qəzəbləndikləri zaman bağışlayarlar.
10
42:38 Onlar, Rəblərinin çağırışına qarşılıq verirlər, namazı qoruyurlar, işlərini aralarında məsləhətləşmə yolu ilə qərarlaşdırarlar və onlara verdiyimiz ruzilərdən yardım üçün verərlər.
2
42:39 Haqsızlığa məruz qaldıqlarında özlərini müdafiə edirlər.
12
42:40 Pisliyin cəzası, özü kimi bir pislikdir; Ancaq kim əfv edər və müttəqi davranarsa, Allah tərəfindən mükafatlandırılar. O, zalımları sevməz.