Şuəra - 26:11 "Fironun xalqının yanına; dinləyib düzəlməyəcəklərmi?"
Rəbbimizin Musa peyğəmbəri görəvləndirməsi:
Nəml/27:7 Bir vaxt Musa ailəsinə belə demişdi: "Mən, bir atəş gördüm, sizə ondan bir xəbər gətirim, yaxud bir məşəl gətirim ki, qızınasınız.
Nəml/27:8 Oraya yetişincə ona, "Atəşin içində olan da, çevrəsində olan da mübarəkdir," deyə səslənildi. Aləmlərin Rəbbi olan Allah çox ucadır!
Nəml/27:9 "Musa, bu Mənəm, Mən Üstün və Hikmət sahibi olan Allaham!"
Nəml/27:10 "Dəyənəyini at." Onu kiçik bir ilan kimi titrəşdiyini görüncə, arxasına dönüb baxmadan qaçdı. "Musa, qorxma; elçilər hüzurumda qorxmazlar."
Nəml/27:11 "Ancaq kim zülm edərsə, sonra günahlarını buraxıb yaxşılıq edərsə, ona qarşı Mən Bağışlayıcıyam, Rəhmliyəm!"
Nəml/27:12 "Əlini qoynuna sal ki; qüsursuz ağappaq olaraq çıxsın. Firon və xalqına göstərəcəyin doqquz möcüzədən biridir. Onlar yoldan çıxan bir camaatdırlar."
Nəml/27:13 "Onlara açıq şəkildə görünən möcüzələrimiz gəldiyində, "Bu, açıq-aşkar bir sehrdir!" dedilər.
Nəml/27:14 Zülm və təkəbbürlərinə görə özlərinin haqlı olduğuna inandılar və onları rədd etdilər. Fəsad törədənlərin aqibətinin necə olduğuna diqqət et.
Qasas/28:29 Musa, o müddəti bitirib ailəsi ilə birlikdə yola çıxınca Turun yamacında bir atəş gördü və ailəsinə, "Burada dur, mən bir atəş gördüm. Bəlkə sizə ondan bir xəbər və ya bir atəş közü gətirərəm ki, onunla qızınarsınız," dedi.
Qasas/28:30 Oraya yetişincə (yanan) ağacın olduğu mübarək bölgədə, sağ yamacın kənarından ona səslənildi: "Musa, Mən aləmlərin Rəbbi Allaham."
Qasas/28:31 "Dəyənəyini at!" Onu bir ilan kimi titrəşən görüncə, ardına belə baxmadan dönüb qaçdı. "Musa, (geri) dön, qorxma! Sən güvəndəsən!"
Qasas/28:32 "Əlini qoynuna sal, qüsursuz ağappaq çıxsın. Qorxudan açılan qanadlarını qatlayıb endir. Bu ikisi, Firon və zadəgan dəstəsinə qarşı Rəbbindən iki dəlildir. Onlar yoldan çıxan bir camaat olmuşlar."
Qasas/28:33 (Musa) dedi ki, "Rəbbim, Mən onlardan bir nəfəri öldürmüşdüm. Məni öldürəcəklərindən qorxuram."
Qasas/28:34 "Ayrıca, qardaşım Harun məndən daha yaxşı danışır. Onu mənimlə birlikdə, məni dəstəkləyən bir yardımçı olaraq göndər. Məni yalanlamalarından qorxuram."
Qasas/28:35 (Allah) dedi ki, "Səni bazunu qardaşınla gücləndirəcəyik və ikinizə elə bir səlahiyyət verəcəyik ki, sizə toxuna bilməyəcəklər. Siz ikiniz və sizin ardınızca gedənlər möcüzələrimizlə zəfər qazanacaqsınız."
Qasas/28:36 Musa onların yanına açıq-aşkar ayə və möcüzələrimizlə gedincə, "Bu ancaq uydurma bir sehrdir. Biz belə bir şeyi öncəki atalarımızdan eşitmədik," dedilər.
Ta ha/20:9 Musanın xəbəri sənə yetişdimi?
Ta ha/20:10 Bir atəş görmüşdü və ailəsinə, "Burada dayanın, Mən bir atəş gördüm. Ola bilər ki, sizə ondan bir köz gətirərəm, yaxud atəşin yanında bir yol göstərici taparam," demişdi.
Ta ha/20:11 Oraya varınca, "Ey Musa!" deyə səs gəldi.
Ta ha/20:12 "Mən, bəli Mən sənin Rəbbinəm. Nəleyinini (başmaqlarını) çıxart. Çünki sən müqəddəs vadidə, Tuvadasan."
Ta ha/20:13 "Mən səni seçdim, elə isə vəhy olunanı dinlə."
Ta ha/20:14 "Mən, bəli Mən Allaham; Məndən başqa tanrı yoxdur. Mənə qulluq et və Məni xatırlamaq üçün namazı qoru!"
Ta ha/20:15 Dünyanın sonu əlbəttə gələcəkdir. Hər kəs etdiyinin qarşılığını görsün deyə Mən az qala onu gizləyəcəyəm.
Ta ha/20:16 Ona iman etməyib istəyinə uyanlar səni ondan yayındırmasın, sonra başın üstünə yıxılarsan.
Ta ha/20:17 "Bu əlindəki nədir, Musa?"
Ta ha/20:18 "O, mənim dəyənəyimdir. Ona söykənirəm, onunla qoyunlarıma yarpaq silkələyirəm və mənə əlavə başqa faydaları da toxunmaqdadır," dedi.
Ta ha/20:19 "At onu Musa!" dedi.
Ta ha/20:20 Onu atınca, hərəkətli bir ilana döndü.
Ta ha/20:21 Dedi, "Götür onu, qorxma. Onu ilk halına salacağıq.
Ta ha/20:22 "Bir başqa dəlil olaraq, əlini qoltuğunun altına qoy; ləkəsiz ağappaq olaraq çıxsın."
Ta ha/20:23 "Beləcə sənə ən böyük möcüzələrimizdən bəzilərini göstərək."
Ta ha/20:24 "Fironun yanına get, çünki o, azdı."
Ta ha/20:25 "Rəbbim, köksümü aç," dedi.
Ta ha/20:26 "Mənim üçün işimi asanlaşdır."
Ta ha/20:27 "Dilimdəki düyünü həll et."
Ta ha/20:28 "(Ona görə) ki, sözümü anlasınlar."
Ta ha/20:29 "Ailəmdən mənə bir yardımçı ver."
Ta ha/20:30 "Qardaşım Harunu..."
Ta ha/20:31 "Məni onunla dəstəkləyib gücləndir."
Ta ha/20:32 "Bu işimdə onu mənə ortaq et."
Ta ha/20:33 "(Ona görə) ki, Səni daha çox yüksəldək (Uca tutaq)."
Ta ha/20:34 "Səni daha çox xatırlayaq."
Ta ha/20:35 "Sən, əlbəttə bizi Görənsən."
Ta ha/20:36 Dedi ki: "Dilədiyin sənə verildi, Musa!"
Ta ha/20:37 "Sənə bir dəfə də lütf etmişdik."
Ta ha/20:38 "Bir vaxt, anana bu vəhyi vəhy etmişdik:
Ta ha/20:39 "'Onu bir sandığa qoyub çaya at. Çay da onu sahilə atsın və Mənə də, ona da düşmən olan birisi onu götürsün.' deyə... Gözümün önündə yetişəsən deyə, sənə sevgimi yağdırmışdım."
Ta ha/20:40 "O vaxt bacın gedib, 'Ona baxacaq birini sizə göstərimmi?' deyirdi. Beləcə, gözü aydınlansın və üzülməsin deyə, səni anana geri döndərmişdik. Hətta sən bir nəfəri öldürmüşdün, səni üzüntüdən qurtarmış və müxtəlif sınaqlardan keçirmişdik. Mədyən xalqının arasında illərlə qaldıqdan sonra bəlli bir plana görə indi geri gəlmisən, Musa."
Ta ha/20:41 "Səni Özüm üçün yaratdım!"
Ta ha/20:42 "Sən və qardaşın möcüzə və ayələrimi çatdırın. Məni xatırlamaqda zəiflik göstərməyin."
Ta ha/20:43 "İkiniz Fironun yanına gedin; Çünki o, azdı."
Ta ha/20:44 "Onunla yumşaq danışın. Ola bilər ki, öyüd alar, və ya ehtiram göstərər."
Ta ha/20:45 Dedilər ki: "Rəbbimiz, onun bizə qarşı hücum etməsindən və həddi aşmasından qorxuruq."
Ta ha/20:46 (Allah) dedi: "Qorxmayın, Mən sizinlə birlikdəyəm; görürəm və eşidirəm."
Ta ha/20:47 "Onun yanına gedin və deyin ki 'Biz ikimiz Rəbbinin elçiləriyik. İsrail oğullarına etdiyin işgəncəyə son ver və onları bizimlə göndər. Biz sənin yanına Rəbbindən bir ayə ilə gəldik. Doğru yolu izləyənlərə salam (sülh) olsun."
Ta ha/20:48 "Bizə vəhy edildi: 'Yalanlayıb üz çevirənlər cəzalandırılacaqdır.'"
Ayənin Suallarına Keç