Ya sin - 36:19 Dedilər ki, "Uğursuzluğunuz sizin öz ucbatınızdandır. Sizə xəbərdarlıq edildiyinə görəmi? Siz gerçəkdən həddi aşan bir topluluqsunuz."
Səmud necə yalanladı?
Fussilət/41:17 Səmud xalqına gəlincə, onlara yolu göstərdik, halbuki onlar korluğu hidayətdən üstün tutdular. Axırda, qazandıqlarına qarşılıq, onları alçaldıcı əzabın ildırımı yaxaladı.
Fussilət/41:13 Üz çevirərlərsə, de ki, "Sizi Ad və Səmud ildırımına bənzər bir ildırımla xəbərdar etdim."
Fussilət/41:14 Onlara, "Allahdan başqasına qulluq/xidmət etməyin," deyə önlərindən və arxalarından elçilər getmişdi. Onlar isə, "Rəbbimiz istəsəydi, bir mələk endirə bilərdi. Buna görə də, sizin gətirdiyiniz mesaja inanmırıq," dedilər.
Nəml/27:45 Səmuda qardaşları Salehi, "Allaha qulluq edin," desin deyə göndərdik. Bundan sonra, mübahisə edən (ixtilafa düşən) iki qrupa ayrıldılar.
Nəml/27:46 Dedi: "Ey xalqım, Nə üçün yaxşılığın yerinə pislik üçün tələsirsiniz? Mərhəmət olunmağınız üçün Allahdan bağışlanma diləməyinizə ehtiyac yoxdur?"
Nəml/27:47 Dedilər ki, "Sən və bərabərindəkilər bizə uğursuzluq gətirdiniz." Dedi ki, "Sizin uğursuzluğunuz Allahdan gəlməkdədir. Doğrusu siz sınağa çəkilən bir camaatsınız."
Nəml/27:48 Şəhərdə doqquz nəfərdən ibarət bir çətə var idi; bölgədə fəsad çıxarırlar və əsla yaxşı bir şey etmirdilər.
Nəml/27:49 Allaha and içərək bir-birlərinə, "Ona və ailəsinə bir gecə hücumu edək və sonra onun qəbiləsinə, onların ölümü haqqında heç bir şey bilmədiyimizi və doğru danışdığımızı söyləyək," dedilər.
Nəml/27:50 Beləcə bir plan qurdular, ancaq onlar fərqinə varmadan Biz də bir plan qurduq.
Qamər/54:23 Səmud (qövmü) də xəbərdarlıqları yalanladı.
Qamər/54:24 Dedilər ki, "Bizdən olan bir insanamı tabe olaq? O zaman biz yoldan çıxar və cəhənnəmə girərik."
Qamər/54:25 "Mesaj aramızdan onamı verildi? O, həddini bilməz yalançının biridir."
Qamər/54:26 Həddini bilməz yalançının kim olduğunu sabah öyrənəcəklər.
Fəcr/89:6 Görmədinmi, Rəbbin nə etdi Ad xalqına?
Fəcr/89:7 Yüksək qüllələr sahibi İrəmə ki;
Fəcr/89:8 Heç bir ölkədə bənzəri ortaya qoyulmamışdı?
Fəcr/89:9 Vadidəki qayaları oyan Səmuda?
Fəcr/89:10 Və piramidalar sahibi Firona?
Fəcr/89:11 Bütün bunlar ölkələrində azmışdılar.
Fəcr/89:12 Oralarda pislikləri yaymışdılar.
Fəcr/89:13 Həqiqətən, Rəbbin də üstlərinə cürbəcür fəlakətlər yağdırdı.
Əraf/7:73 Səmud xalqına da qardaşları Salehi göndərdik. Dedi ki: "Ey xalqım, Allaha qulluq edin. Ondan başqa bir tanrınız yoxdur. Rəbbinizdən, sizə bir bəyyinə (dəlil) gəlmişdir. Bu Allahın dəvəsi sizin üçün bir işarət olacaqdır. Onu buraxın, Allahın torpağında otlasın. Ona bir zərər verməyin; yoxsa sizi ağrılı-acılı bir əzab yaxalayar."
Əraf/7:74 "Ad xalqından sonra sizi varislər etdiyini xatırlayın. Sizi yer üzünə yerləşdirdi. Düzənliklərində köşklər qurub, dağlarında evlər yontursunuz. Allahın nemətlərini xatırlayın və yer üzündə fəsad törədərək qarışıqlıq çıxarmayın."
Əraf/7:75 Xalqının təkəbbürlü öncüləri, alçaldıb zülm etdikləri iman edənlərə, "Salehin gerçəkdən Rəbbi tərəfindən göndərilmiş olduğunu haradan bilirsiniz?" dedilər. Onlar da: "Biz onun gətirdiyi mesaja iman edirik," dedilər.
Əraf/7:76 Təkəbbür göstərənlər, "Biz, sizin iman etdiyiniz şeyi inkar edirik," dedilər.
Əraf/7:77 Dəvəni işgəncə edərək kəsdilər və Rəblərinin əmrinə (qarşı) baş qaldırdılar: "Saleh, gerçəkdən elçilərdən birisənsə, bizi təhdid etdiyin əzabı başımıza gətir," dedilər.
Əraf/7:78 Bundan sonra onları bir sarsıntı yaxaladı və evlərində diz üstə düşüb qaldılar.
Hud/11:61 Səmuda da qardaşları Salehi... Dedi ki: "Ey xalqım, Allaha qulluq edin, Ondan başqa tanrı yoxdur. Sizi yerdən çıxarıb yaradan, sizi oraya yerləşdirən Odur. Elə isə Ondan bağışlanma diləyin və sonra Ona yönəlin. Şübhəsiz Rəbbim Yaxındır, Cavab verəndir.
Hud/11:62 Dedilər ki: "Ey Saleh, sən bundan öncə, aramızda məşhur bir ümid qaynağı idin. İndi sən bizi atalarımızın qulluq/xidmət etdiklərindənmi çəkindirirsən? Biz, sənin bizi çağırdığın şeylərdən şübhə içindəyik."
Hud/11:63 Dedi ki: "Ey xalqım, əgər mən Rəbbimdən qəti bir dəlilə sahibəmsə və Öz tərəfindən mənə rəhmət vermişsə? Ona üsyan edərsəm, məni Allahdan kim qurtara bilər? Siz ancaq mənim ziyanımı artıra bilərsiniz."
Hud/11:64 "Ey xalqım, Allahın bu dəvəsi sizin üçün bir ayədir. Allahın torpağında buraxın otlasın. Ona pislik etməyin. Yoxsa sizi yaxın bir əzab yaxalayar."
Hud/11:65 Fəqət, onu işgəncə ilə kəsdilər. "Yurdunuzda yaşamağınız üçün üç gününüz var. Bu, yalan olmayan bir sözdür," dedi.
Hud/11:66 Əmrimiz gəlincə, Salehi və onunla birlikdə iman edənləri Bizdən bir rəhmət ilə o günün rəzilliyindən qurtardıq. Rəbbin, şübhəsiz Güclü və Üstündür.
İbrahim/14:9 Sizdən öncəkilərin, Nuh, Ad və Səmud xalqının və onlardan sonra gəlib, sadəcə Allahın bildiyi kimsələrin xəbərləri sizə yetişmədimi? Elçiləri onlara açıq-aşkar dəlillərlə getdilər, fəqət onlara dəyər vermədilər (alçaltdılar) və "Biz gətirdiyiniz şeyi inkar edirik və bizi çağırdığınız mesaj haqqında şəkkimiz və şübhəmiz var," dedilər.
İsra/17:58 Heç bir ölkə yoxdur ki, Dirilmə günündən öncə onu məhv etmiş və ya şiddətli bir şəkildə cəzalandırmış olmayaq. Bu, Kitabda yazılmışdır.
İsra/17:59 Öncəkilərin onları yalanlamış olması, Bizi ayələr göndərməkdən saxlamadı. Örnək olaraq, Səmud (xalqına) dəvəni açıq şəkildə vermişdik. Fəqət ona haqsızlıq etdilər. Biz ayələri yalnızca xəbərdarlıq məqsədiylə göndəririk.
Şuəra/26:141 Səmud (xalqı) da elçiləri yalanladı.
Şuəra/26:142 Qardaşları Saleh onlara demişdi ki, "Müttəqi olmayacaqsınız?"
Şuəra/26:143 "Mən sizə göndərilmiş güvənilir bir elçiyəm."
Şuəra/26:144 "Allahı dinləyib mənə tabe olmalısınız."
Şuəra/26:145 "Buna qarşılıq sizdən bir ücrət də istəmirəm. Mənim ücrətimi ancaq aləmlərin Rəbbi ödəyər."
Şuəra/26:146 "Burada güvənlik içindəmi buraxılacaqsınız?"
Şuəra/26:147 "Bağçalar, bulaqlar,"
Şuəra/26:148 "Əkinlər və yetişmiş meyvəli xurmalıqlar içindəsiniz."
Şuəra/26:149 "Və dağlardan dəbdəbəli köşklər yontursunuz."
Şuəra/26:150 "Allahı dinləyib mənim ardımca gəlməlisiniz."
Şuəra/26:151 "Həddi aşanların əmrinə tabe olmayın."
Şuəra/26:152 "Onlar yer üzündə yaxşılıq deyil, pislik işləyərlər."
Şuəra/26:153 Dedilər ki, "Sən ovsunlanmışsan."
Şuəra/26:154 "Sən bizim kimi bir insansan. Doğru sözlüsənsə, bizə bir möcüzə gətir görək."
Şuəra/26:155 (Saleh) dedi ki, "Bax bu dəvədir! Onun su içəcəyi müəyyən bir zamanı vardır. Sizin də su içəcəyiniz müəyyən bir gününüz vardır."
Şuəra/26:156 "Ona bir pislik toxundurmayın. Yoxsa böyük bir günün cəzasına uğrayarsınız."
Şuəra/26:157 Nəhayət onu kəsdilər; ancaq peşman oldular.
Şuəra/26:158 Və cəza onları yaxaladı. Əlbəttə bunda bir dərs vardır; amma çoxları iman etməzlər.
Ənkəbut/29:36 Mədyənə də qardaşları Şueybi... "Xalqım, Allaha qulluq edin, axirət gününü axtarın və yer üzündə fəsad törədərək qarışıqlıq çıxarmayın," demişdi.
Ənkəbut/29:37 Onu yalanladılar. Bundan sonra onları bir sarsıntı yaxaladı və evlərində diz üstə düşüb qaldılar.
Ənkəbut/29:38 Eyni şəkildə, Ad və Səmudu da... Aqibətləri, sakin olduqları yerlərdən sizə bəllidir. Şeytan işlərini onlara süslü göstərərək onları yoldan azdırdı. Halbuki görüb anlayacaq qabiliyyətə sahib idilər.
Sad/38:13 Səmud, Lut xalqı və Əykəlilər də... Onlar partiyalardı (firqələrdi). 
Sad/38:14 Hamısı da elçiləri yalanladılar və cəzama layiq oldular.
Haqqə/69:4 Səmud və Ad (xalqı) sarsıdıcı hadisəni yalanladı.
Haqqə/69:5 Və Səmud o azğın (sarsıntı) ilə məhv edildi.
Zəriyət/51:43 Səmudda da (bir dərs vardır). Onlara, "Bəlli bir vaxta qədər kefinizə baxın" deyilmişdi.
Zəriyət/51:44 Rəblərinin əmrinə qarşı gəldilər. Buna görə gözləri baxa-baxa onları bir ildırım vurdu.
Furqan/25:38 Ad, Səmud, Rəss əhalisi və bunların arasında bir çox nəsilləri də...
Furqan/25:39 Hamısına yetərli örnəklər vermişdik, axırda hamısını qırıb məhv etdik.
Ayənin Suallarına Keç