Ənfal - 8:52 Eyni Fironun tərəfdarlarının və onlardan öncəkilərin gedişi kimi... Allahın ayələrini inkar etdilər. Günahlarına görə Allah da onları yaxalayıb cəzalandırdı. Allah Güclüdür, cəzası çətindir (şiddətlidir).
Elçiləri yalanlayan, onlarla mücadilə içində olan inkarçıların məhv edilməsi, Allahın sürəkli tətbiq edilən qanunudur:
İsra/17:76 Səni ölkədən çıxarmaq üçün az qala səni zorla qovacaqlar. Belə olsaydı, səndən sonra onlar da çox qalmayacaqlar.
İsra/17:77 Səndən öncə göndərdiyimiz bütün elçilər üçün planlaşdırdığımız sistem (sünnət) budur. Sistemimizdə heç bir dəyişiklik görə bilməzsən.
Əhzab/33:60 İkiüzlülər, qəlblərində xəstəlik olanlar və şəhərdəki təcavüzkarlar (sizə qarşı olan hücumlarına) son verməzlərsə, səni onlara müsəllət edərik; sonra orada, sənin çevrəndə qısa bir vaxt qala bilərlər.
Əhzab/33:61 Lənətlənərlər; Harada rast gəlinsələr, (hücumlarından əl çəkməsələr) yaxalanıb öldürülə bilərlər.
Əhzab/33:62 Öncəkilərə tətbiq edilmiş Allahın sünnətidir (qanunudur). Allahın sünnətində hər hansısa bir dəyişmə tapa bilməzsən.
Ğafir/40:84 Nəhayət cəzamızı gördüklərində, "Artıq SADƏCƏ Allaha iman etdik və ortaq qoşduqlarımızı inkar etdik," deyərlər -
Ğafir/40:85 Əzabımızı gördüklərində iman etmələri onlara bir fayda verməz. Bu, daha öncəki qulları haqqında sürəkli tətbiq edilən Allahın sünnətidir (qanunudur). Məhz o zaman inkar edənlər məğlub olmuşlardır.
Yunus/10:13 Sizdən öncəki neçə-neçə nəsilləri, zülm etdikləri zaman məhv etmişik. Elçiləri onlara açıq-aydın dəlillərlə getmişdilər, ancaq onlar iman etməyi rədd etmişdilər. Günahkar cəmiyyətləri belə cəzalandırırıq.
İbrahim/14:13 İnkar edənlər elçilərinə, "Ya bizim dinimizə geri dönərsiniz, ya da sizi yurdumuzdan qovarıq!" dedilər. Rəbləri onlara, "Zalımları məhv edəcəyik," deyə vəhy etdi,
Rum/30:9 Yer üzündə dolaşıb özlərindən öncəkilərin sonunun necə olduğuna baxmırlarmı? Onlardan daha güclü idilər, torpağı işlədilər və onlardan daha çox məhsul əldə etdilər. Elçiləri onlara açıq-aşkar dəlillərlə getmişdilər. Onlara zülm edən Allah deyildi; Onlar özləri özlərinə zülm edirdilər.
Rum/30:42 De ki, "Yer üzündə gəzib dolaşın, sonra da baxın, öncəkilərin sonunun necə olduğuna." Çoxları ortaq qoşanlar idi.
Qaf/50:12 Onlardan öncə Nuhun xalqı, Rəss əhalisi və Səmud (tayfası) da yalanlamışdı.
Qaf/50:13 Ad (qövmü), Fironun (xalqı), Lutun qardaşları...
Qaf/50:14 Əykə əhalisi və Tubba əhalisi də... Hamısı elçiləri yalanladılar. Bunun üzərinə təhdidim gerçəkləşdi.
Maidə/5:54 Ey iman edənlər! Kim dinindən dönərsə bunu bilsin: Allah sevdiyi bir camaatı gətirər; onlar da Onu sevər. İman edənlərə qarşı təvazökar, kafirlərə qarşı güclü və sərtdirlər. Allah yolunda cihad edərlər, qınayanın qınamasından çəkinməzlər. Bu, Allahın lütfüdür; onu istədiyinə verir. Allah Comərddir, Biləndir.
Ənfal/8:30 İnkar edənlər səni təsirsiz hala gətirmək və ya səni öldürmək, ya da səni yurdundan qovub çıxartmaq üçün planlar qururdular. Onlar plan qururlarsa, Allah da plan qurur. Allah plan quranların Ən Ustasıdır.
Ali İmran/3:137 Sizdən öncə də qanunlar tətbiq edilmişdi. Yer üzündə gəzib dolaşın və yalanlayanların aqibətinə nə olduğunu görün.
Ənam/6:34 Səndən öncəki elçiləri də yalançılıqla günahlandırdılar. Yalanlanmalara qarşı müqavimət göstərdilər. Zəfərimiz yetişincəyədək sıxıntı çəkdilər. Allahın sistemi dəyişməyəcək. Necə ki, elçilərin tarixi sənə gəlib çatmışdır.
Ənfal/8:38 İnkar edənlərə söylə: "Son qoyarlarsa, keçmişdə etdikləri bağışlanacaqdır. Dönərlərsə, daha öncəkilərin sünnəti (qanunu) keçərlidir."
Yunus/10:102 Özlərindən öncəkilərin yaşadığı günlərin bir bənzərinimi gözləyirlər? De ki, "Gözləyin, mən də sizinlə birlikdə gözləməkdəyəm."
Yunus/10:103 Sonunda elçilərimizi və iman edənləri qurtararıq. Bəli, iman edənləri qurtarmaq Bizim dəyişməz bir qanunumuzdur.
Yusuf/12:109 Səndən öncə, şəhərlərin əhalisinin arasından (seçib) vəhy etdiyimiz adamlardan başqasını göndərmədik. Yer üzünü gəzib dolaşıb özlərindən öncəkilərin aqibətini görmürlərmi? Müttəqilər üçün axirət yurdu daha yaxşıdır; anlamırsınız?
Yusuf/12:110 Nə zaman ki, elçiləri ümidlərini kəsdilər və özlərinin yalançı çıxarıldığını sandılar, bax o zaman onlara zəfərimiz gəldi. Həqiqətən, istədiyimiz qurtulur. Əzabımız günahkar topluluğundan geri çevrilə bilməz.
Fatir/35:42 Onlara xəbərdarlıq edən biri getsə, bütün topluluqlardan daha doğru yolda olacaqlarına dair var gücləri ilə Allaha and içdilər. Onlara bir elçi getdiyində, bu vəziyyət, onların ancaq nifrətini artırdı.
Fatir/35:43 Yer üzündə təkəbbür göstərdilər, pislik planlaşdırdılar. Halbuki pis plan sahibinə əks nəticə verər. Keçmişdəkilərə tətbiq edilən sünnətdən (qanundan) başqasınımı gözləyirlər? Allahın sünnətində bir dəyişiklik görə bilməzsən; Allahın sünnətində bir sapma görə bilməzsən.
Fatir/35:44 Onlardan öncəkilərin aqibətinin necə olduğunu görmək üçün yer üzünü gəzib-dolaşmadılarmı? Onlar onlardan daha güclü idilər. Göylərdə və yerdə heç bir şey Allahı aciz qoya bilməz. O, Biləndir, Güclüdür.
Fəth/48:21 Güc yetirə bilmədiyiniz digər qrupa gəlincə, onları Allah əhatə etmişdir. Allah əlbəttə hər şeyə Gücü Yetəndir.
Fəth/48:22 İnkar edənlər sizinlə savaşsaydılar, dönüb qaçardılar. Sonra nə bir sahib, nə də bir yardımçı tapa bilməzdilər.
Fəth/48:23 Əzəldən bəri tətbiq edilən Allahın sünnəti (sistemi) budur. Allahın sünnətində bir dəyişiklik tapa bilməzsən.
Ayənin Suallarına Keç